Dálking frá tunnilsarbeiði skal halda uppat

Landsverk veit um dálkingina frá arbeiðnum upp á tunlarnar norður um Fjall, og hevur givið veitaranum boð um at fáa trupulleikan loystan.

Tað sigur Sigurd Lamhauge, stjóri í Landsverki.

Dálking er staðfest í ánni og fjøruni í Árnafirði, sum stavar frá tunnilsarbeiðnum. 

Tunnilsarbeiði, tunlar Norður um Fjall

Frá tunnilsarbeiðnum norður um Fjall.

Eingin áseting er í umhvørvislógini um tunnilsboring á landi, og tí hevur Umhvørvisstovan ongar heimildar at hava eftirlit við tunnilsarbeiðinum, segði Ingvard Fjallstein á Umhvørvisstovuni við Dag og viku í gjár.

Sigurd Lamhauge sigur, at Landsverk av sínum eintingum hevur ásett umhvørviskrøv í útbjóðingartilfarinum, hóast ongar ítøkiligar ásetingar eru í umhvørvislógini um tunnilsboring á landi.

Hoyr innslag í útvarpstíðindunum.