Nógv ferðsla í undirsjóvartunlunum

Nógv ferðsla var í undirsjóvartunlunum í mai.

Í Eysturoyartunlinum var miðaltalið 5.220 akfør, tað størsta higartil.

4.512 koyrdu millum Eysturoynna og Streymoynna. Hini koyrdu millum Stendur og Rókina.

Í apríl var miðaltalið fyri samdøgrið 4.962 akfør.

Eisini størri ferðsla í hinum tunlunum

Eisini í hinum báðum undirsjóvartunlunum var størri ferðsla í mai enn í apríl.

Í Vágatunlinum var miðalferðslan 3.092 akfør. Hon  var 2.816 akfør í apríl.

Og í Norðoyatunlinum var miðalferðslan 4.331 akfør í mai. Hon var 3.952 í apríl.