Russisk skip skulu ikki sleppa í føroyskar havnir eftir 24. juni

Eftir 24.juni sleppa russisk skip ikki í føroyskar havnir.

Fiskiskip eru tó undantikin.

Uppskotið um kunngerð um revsitiltøk móti Russlandi er nú gjørt og sent til hoyringar.

Hoyringarfreistin er stutt. Hon endar longu hósdagin.

Russiskir trolarar, Runavík

Skip í neyð eisini undantikin

Í uppskotinum stendur millum annað, at eftir 24.juni er bannað at veita atgongd til havnir í Føroyum fyri skip, sum eru skrásett undir russiskum flaggi.

Ásetingin er tó ikki galdandi fyri skip, sum hevur brúk fyri hjálp og leitar í neyðhavn, ella av neyð má leggja inn í 
føroyska havn við atliti at trygd á sjónum, ella fyri at bjarga lívi á sjónum. 

Endamálið við kunngerðini er annars at seta í gildi í føroyskari lóg tey avmarkandi tiltøk, sum ES og onnur hava sett í verk, og sum løgtingið hevur samtykt at Føroyar skulu taka undir við.

20220422_handil_vid_russland_0013.jpg

Drúgt uppskot

Uppskotið um kunngerðina er drúgvt. Tað er 93 síður, tí skjølini, sum siga, hvat revsitiltøkini umfata, eru long.

Sambært uppskotinum um kunngerð kann revsingin fyri at bróta hana vera upp í tvey ára fongsul.

Uppskotið um kunngerð kann lesast her.