Taka støðu til fiskivinnusamstarvið í heyst

Føroyar fara í heyst at taka støðu til fiskiveiðusamstarvið við Russland.

Tað sigur Bárður á Steig Nielsen, løgmaður.

Føroyar og Russland hava havt skipað fiskiveiðusamstarv síðani 1977.

Í høvuðsheitum hava Føroyar latið uppsjóvarfisk fyri tosk, hýsu og rækjur í Barentshavinum.

Føroyar og Russland gjørdu avtalu fyri 2022 í desember í fjør.

Bárður á Steig Nielsen

Støðan kann verða broytt í heyst, sigur løgmaður. (Mynd: Bjarni Árting Rubeksen)

Støða er ikki tikin

Støða er framvegis ikki tikin til, um Føroyar vilja halda fram við samstarvinum næsta ár.

Vesturheimurin hevur í stóran mun kvett samstarvið við Russland eftir innrásina í Ukraina.

- Tað er kanska ikki serliga sannlíkt, men støðan kann verða ein onnur í heyst, sigur Bárður á Steig Nielsen, løgmaður.

- Vit fara av somu orsøk at bíða til í heyst at taka støðu til, um vit fara at kvetta fiskiveiðusamstarvið, sigur løgmaður.