Trý fólk varðhaldsfongslað í máli um rúsevnasmugling

Løgreglan kannar í løtuni eitt mál um rúsevni, sum eru smuglað til Føroya. 

Tá Norrøna kom til Føroya sunnukvøldið, fann tollvaldið størri nøgd av hassji umborð.

Trý fólk vóru handtikin mánadagin, og vóru í grundlógaravhoyring týsdagin.

Tvey teirra vóru varðhaldsfongslað í fýra vikur, og eitt varð latið leyst aftur.

Ákæruvaldið kærdi hesa avgerðina til landsrættin, sum í dag hevur gjørt úrskurð og givið ákæruvaldinum viðhald.

Sostatt skal triðja fólkið eisini verða varðhaldsfongslað í fýra vikur, meðan løgreglan ger kanningar og savnar prógv í málinum, upplýsir Heri Andreasen, leiðari á kanningardeildini hjá løgregluni.