Makrelkvotan í ár verður 156.000 tons

Føroyska makrelkvotan fyri 2022 verður 155.804 tons. Tað eru 19,6 prosent av heildarkvotuni, sum strandarlondini eru samd um. 

Tað hevur landsstýrismaðurin í fiskivinnumálum, Árni Skaale, ásett, eftir ráðførslu við Uttanlandsnevndina. 

Árni Skaale væntar, at føroysku uppsjóvarskipini verða før fyri at fiska kvotuna í ár umframt tað, sum er eftir av kvotuni fyri í fjør.

Tað eyddaðist ikki strandarlondunum at semjast um býtið av heildarkvotuni í ár, men í oktober í fjør samdust strandarlondini um at fiska 794.920 tons av makreli í ár.