Maskinmeistarafelagið og arbeiðsgevararnir gjørt sáttmála

Maskinmeistarafelagið og Føroya Arbeiðsgevarafelag gjørt semju um nýggjan sáttmála.

Lønarhækkingin er 3,80 % 1. juni í ar og 4,04 % 1. juni 2023.

Semjan byggir á karmin, sum bleiv lagdur í semjuni millum FAG og Føroya Arbeiðarafelag.

Harumframt er lønartalvan longd við seks stigum, ásetingin um yvirtíðargjald er nágreinað, og ásetingin um avloysing í hægri starvi stytt frá fimm niður í tríggjar dagar.

Sáttmálin er fyri 80 maskinmeistarar, sum arbeiða á landi, eitt nú á fiskavirkjum, smoltstøðum, hjá størri byggifyritøkum og á skipasmiðjum.
 

Væl nøgdur

Ólavur Gunnarson, formaður í Maskinmeistarafelagnum, vísir á, at við nýggju lønarstigunum hevur felagið fingið uppfylt eitt gamalt ynski. 

- Vit hava í nógv ár stríðst fyri at fáa fleiri lønarstig, og nú eydnaðist tað. Vit eru sera fegnir um hetta og stóru lønarhækkingina, sigur hann í stuttari viðmerking. 

Nýggi sáttmálin gongur til 1.juni 2024.