Allir bilarnir komnir afturíaftur

Tríggir bilar vórðu stolnir um vikuskiftið, upplýsir løgreglan. 

Løgreglan kannar framvegis málini, men sigur, at í onkrum av teimum hava tey illgruna um, hvør hevur framt stuldurin, meðan tey hava tryggjað sær spor í hinum málunum.

Teir tríggir bilarnir vórðu stolnir í høvuðsstaðarøkinum, og teir eru allir komnir afturíaftur.

Í hvussu er í einum føri stóð lykilin í bilinum, tá hann bleiv stolin.

Løgreglan minnir tí fólk á um ikki at lata lyklarnar standa í bilinum, tá tey fara frá honum.