Treytaleysa fongsulsrevsing í átta mánaðir

Treytaleysa fongsulsrevsing í átta mánaðir
Maðurin er dømdur fyri harðskap í trimum førum og fyri eina hóttan
Bæði ákæruvaldið og tann dømdi bóðu um tíð at umhugsa, um tey skulu fara í Landsrættin við málinum.
 
22.06.2022 - 11:28

Ein maður í 40-unum fekk í Føroya rætti mánadagin átta mánaða treytaleysa fongsulsrevsing fyri millum annað harðskap.

Maðurin var ákærdur fyri sjey lógarbrot. Trý teirra vóru um byrsur og patrónir, sum ikki vóru skrásettar.

Maðurin játtaði seg sekan í tí. Men hann var frídømdur fyri at hava brúkt byrsurnar.

Maðurin er dømdur fyri harðskap í trimum førum og fyri eina hóttan. Hann noktaði seg sekan í tí. Og hann var frídømdur fyri at hava brúkt knív.

 

Aftur í Mjørkadal

Einki endurgjaldskrav er í málinum.

Maðurin hevur verið í varðhaldi. Hann var koyrdur niðan í Mjørkadal aftur, eftir at hann fekk dómin.

Bæði ákæruvaldið og tann dømdi bóðu um tíð at umhugsa, um tey skulu fara í Landsrættin við málinum.

Freistin hjá teimum er 14 dagar.
 

Er kopiera
Nýggjastu sendingar í SV
Mánadag 2. juni
E4_4K_TIL_NET_v3 - teknmálstulkað
192735
Mánadag 2. juni
KAKUMiKS (3:7) - teknmálstulkað
192723
Leygardag 31. mai
Norðoyastevna 2025: 10 MANNAFØR
192646