Gera á í miðbýnum i Havn fyri 12 mió. kr.

23.06.2022 - 08:26
AktueltPolitikkur
Gera á í miðbýnum i Havn fyri 12 mió. kr.
Havnará verður ikki latin uppaftur, tí hon er so illa dálkað. Løgtingið er eisini við í verkætlanini
Soleiðis fer áin í miðbýnum í Havn eftir ætlan at síggja út.
Mynd: Tórshavnar kommuna  
 

12 milliónir krónur skulu brúkast til at gera eina á í miðbýnum í Havn.

Tað samtykti Tórshavnar býráð í gjár.

J&K Petersen hevði nógv lægsta tilboðið upp á arbeiðið, góðar 9,4 milliónir krónur.

Tvey onnur tilboð vóru, men tey vóru yvir 15 milliónir krónur. Aftrat koma so aðrar útreiðslur.

Arbeiðið byrjar ikki fyrr enn summartiltøkini í miðbýnum eru liðug. Byggitíðin er mett at vera átta mánaðir.

Løgtingið er við í verkætlanini og rindar ein part, sigur Tórshavnar býráð.

 

Havnará skitin

Ætlanin er ikki at lata upp Havnará, men at gera eina á oman á henni. Reint vatn verður í ánni, og dálkað verður leitt uttanum.

Lívfrøðiligar kanningar vístu í summar, at vatnið í Havnará oman fyri Sjónleikarhúsið er dálkað við E. Coli og koliformum bakterium. 

Vatnið er sera illa dálkað. Kanningin bendir á, at kloakkvatn rennur í ánna. 

Verkætlanin er í fyrsta umfari um strekkið frá Betri banka oman til sunnara enda á Tinghúsvøllinum, har standmyndin av R.C. Effersøe er. Verkætlanin er í trimum stigum. 

Zeta Architects hevur gjørt eitt skipanaruppskot.

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573