Lavrov samanber ES og NATO við Hitler

ES og NATO eru í holt við at gera eina samgongu, sum skal bjóða Russlandi av. 

Tað var boðskapurin hjá russiska uttanríkisráðharranum, Sergej Lavrov, á einum tíðindafundi fyrr í dag, skrivar almenna russiska tíðindastovan, Ria Novosti. 

Russiski uttanríkisráðharrin samanbar eisini ES og NATO við Adolf Hitler og Nazi-týskland undir seinna heimsbardaga.

- Tá seinni heimsbardagi brast á, megnaði Hitler hóast alt at savna ein stóran part av teimum evropeisku londunum í krígnum móti Sovjetsamveldinum. Nú royna ES og NATO at gera eina nútíðar-samgongu fyri at kríggjast ímóti russiska samveldinum, segði russiski uttanríkisráðharrin, sambært Ria Novosti.