Nýggjur leiðari í Bú- og heimatænastuni

Hanus Toftheyggj er settur sum nýggjur leiðari í Bú- og heimatænastuni í Suðuroy.

Hanus Toftheyggj er 36 ára gamal. Hann hevur bachelorútbúgving í almennari fyrisiting og master í løgfrøði.

Síðani 2015 hevur hann starvast sum fulltrúi í Almannaverkinum, og í løtuni tekur hann akademiútbúgving í leiðslu.

Bú- og heimatænastan telur 150 starvsfólk.

Tænastan fevnir um fyribyrging, fysio- og ergoterapi, heimahjálp, heimasjúkrarøkt, sambýli, røktarheim, dagtilhald og mattænastu.

Hanus Toftheyggj tekur við leiðarastarvinum eftir Onnu Djurhuus, sum leggur frå sær fyri aldur, og hann byrjar í starvinum 1. september.