Vald fyri einum mánaði síðan - ikki skipað seg enn

Nevndin í Posta, sum var vald síðst í mai, hevur ikki havt fund enn.

Hon hevur tí heldur ikki skipað seg, so Joen Magnus Rasmussen er framvegis formaður.

Joen Magnus Rasmussen sigur, at nevndarfundur verður í næstu viku.

Vanliga plagar nevndin at skipa seg beint eftir aðalfundin, men tað bar ikki til hesa ferð, tí ein nevndarlimur var ikki á aðalfundinum.

Á aðalfundinum hjá Posta valdi landsstýrið somu fólkini aftur í nevndina.

Somu fólk

Hini, sum landsstýrið valdi, eru Reidar Nónfjall, sum er næstformaður, Gudny Langgaard og Guðrið Højgaard.

Starvsfólkini hava harafturat tveir nevndarlimir, sum eru Jóannis Iversen og Steinvør Jacobsen.

Joen Magnus Rasmussen er bróðir Una Rasmussen, landsstýrismann í fíggjarmálum.

Og Posta liggur undir Fíggjarmálaráðnum.

Tí er ivi sáddur um formansskapin hjá Joeni Magnusi Rasmussen.