Landsliðið í amboðsfimleiki kappast í Íslandi

Føroyska landsliðið í amboðsfimleiki skal um vikuskiftið kappast í Norðurlendsku meistarakappingini í Kópavogi sunnan fyri Reykjavík. Londini, sum luttaka í NM-kappingini, eru Føroyar, Ísland, Danmark, Noreg, Svøríki og Finnland.

13 fólk eru við føroyska landsliðnum í amboðsfimleiki - sjey kvinnur og seks menn. Venjari hjá monnunum er Djóni Zakarisson og hjá kvinnunum er Camelia Michaela Mindriel venjari og Marjun Jacobsen er hjálparvenjari. 

Norðurlendska meistarakappingin í amboðsfimleiki kann eisini síggjast beinleiðis á netinum á heimasíðuni hjá íslendska fimleikasambandinum á fimleikasamband.is