- Tíðindi, mentan og ítróttur
G!: Blátt Gras spældi ársins fyrstu konsert
G!: Blátt Gras spældi ársins fyrstu konsert
Føroyski bluegrass bólkurin Blátt Gras fekk heiðurin at spæla fyrstu konsertina á ársins G! festivali, sum er tann fyrsti festivalurin í tvey ár
Blátt Gras splædi fyrstu G!-konsertina í ár á Spæliplassinum. Sólin hugdi fram, og fitt av fólki var komið at lurta
Mynd: Bjarni Árting Rubeksen
14.07.2022 - 17:18
Sólin skein, tá tónleikurin aftur rungaði í í Syðrugøtu eftir ein tvey ára koronasteðg.
Tað var bluegrass bólkurin Blátt Gras, ið spældi fyrstu konsertina á Spæliplássinum, og Blátt Gras legði heilt rætta huglagið við sínum jaligu og væl svingandi tónum.
Blátt Gras borðreiddi við øllum teimum kendastu sangunum, men onkrir nýggir sangir vóru eisini á skránni í góðveðrinum á Spæliplássinum.
Rættiliga fitt av fólki var komið saman í góða veðrinum at lurta eftir Bláum grasi.
Blátt Grass hevur nú sett hol á G!-tónleikaskránna, og í kvøld eru Tessa, Marius og mong onnur á skránni.
Myndir: Bjarni Árting Rubeksen
Er kopiera
Nýggjastu sendingar í ÚV
Nýggjastu sendingar í SV
