- Tíðindi, mentan og ítróttur
G!: Sól og summar á Gøtusandi
G!: Sól og summar á Gøtusandi
Fríggjardagurin, ið er annar dagurin á G!, er byrjaður við sól og summari og ein einum fullum Gøtusandi
Summar og sól og vøkur fólk á Gøtusandi í dag, nú annar dagurin á G! festivalinum er byrjaður í bakandi sól
Mynd: Bjarni Árting Rubeksen
15.07.2022 - 17:58
Myndir: Bjarni Árting Rubeksen
Oman á alt rokið fyrr í vikuni við ódnarveðri og avlýsingum, so er summarið loksins komið til Føroya og G! festivalin.
Sandurin er á tremur við fólki í øllum aldri, ið hugna sær í góðveðrinum.
Pottarnir vóru á kjafti við fólki, ið dusaðu sær í sólini, meðan fólkatónleikurin rungaði frá Spæliplássinum.
Fólk njóta sólina og løtuna á hvørjum tanga.
Pottarnir eru góðir at sleppa av við ringastu timburmenninar, og at vísa alt stríðið í venjingarhølunum í vetur fram.
G! er og hevur altíð verið ein familjufestivalur, og tí hava familjurnar eisini sínar egnu pottar á Sandinum.
G! ger nógv burtur úr at gera smá rúm, har fólk kunnu uppihalda seg, eitt nú Hoyggjhúsið, har sangkórið Eystanljóð er vertur, og tú kanst keypa tær smyrjibreyð og okkurt gott afturvið. Ofta enda tónleikarar inn í Hoyggjhúsinum og framføra, tá teir eru komnir av pallinum.
Eftir nakrar tímar í sólunum og pottunum, eru fólk av álvara klár at fara at lurta eftir tónleiki. Á kvøld eru Jose Gonzalez, Daði Freyr, Sons, Joe and the Shitboys og mong onnur á skránni.
Er kopiera
Nýggjastu sendingar í ÚV
Nýggjastu sendingar í SV
