Frítekst tagging:
- Tíðindi, mentan og ítróttur
Hitamet verður helst sett í Bretlandi í dag
Hitamet verður helst sett í Bretlandi í dag
Veðurforsøgnin sigur, at hitin í dag har suðuri í Stórabretlandi kann koma heilt upp á 41 stig í dag, skrivar BBC.
Hitamet verður helst sett í Bretlandi í dag, og skúlarnir eru stongdir, og tað verður frámælt fólki at ferðast
Mynd: Ritzau / Scanpix
18.07.2022 - 09:43
Líkt er til, at nýtt hitamet verður sett í Bretlandi í dag.
Veðurforsøgnin sigur, at hitin í dag har suðuri í Stóra Bretlandi kann koma heilt upp á 41 stig í dag, skrivar BBC.
So nógvur hiti hevur ongantíð fyrr verið í landinum. Verandi hitametið varð sett í Cambridge í 2019, tá ið 38,7 stig vórðu mátað.
Forsøgnin sigur, at tað verður nógvur hiti í øllum Bretlandi í dag, men í økinum við høvuðsstaðin verður helst heitast.
Heldur veðurforsøgnin, fer London við 41 stigum at verða heitasta stað í heiminum í dag.
Heitari enn bæði Vestursahara, Nassau í Bahamas, Kingston á Jamaica, Malaga í Spania og Athen í Grikkalandi.
Nógvi hitin í Bretlandi fer at ávirka alt samfelagið næstu dagarnar.
Nakrir skúlar lata aftur tíðliga, og aðrir lata als ikki upp, hóast stjórnin hevur sagt, at teir ikki skulu steingjast.
Myndugleikarnir hava eisini givið boð um, at fólk als ikki skulu ferðast í dag og í morgin, um tað ikki er lívsneyðugt.
Nógvur hiti er eisini aðrastaðni í Evropa í hesum døgum. Mett verður, at meira enn 1.000 fólk eru deyð í nógva hitanum í Spania og Portugal.
Er kopiera
Nýggjastu sendingar í ÚV
Nýggjastu sendingar í SV
