- Tíðindi, mentan og ítróttur
Heitasti juli-dagur nakrantíð í Danmark
Heitasti juli-dagur nakrantíð í Danmark
Í gjár bleiv nýtt hitamet skrásett fyri ein juli-dag í Danmark, tá tað blivu máld 35,9 stig í Abed á Lollandi
Dagurin í gjár var heitasti juli-dagur nakrantíð í Danmark
Mynd: Ritzau / Scanpix
21.07.2022 - 08:59
Dagurin í gjár gjørdist tann heitasti juli-dagurin í donsku veðursøguni, men ikki tann heitasti nakrantíð.
Í Abed á Lollandi vísti hitamátarin 35,9 stig, ið samstundis er heitasti dagurin í juli, so leingi veðurmátingar eru gjørdar.
Sostatt var dagurin í gjár eitt hálvt stig undir tí mesta, sum nakrantíð er mátað og skrásett í donsku veðursøguni.
DMI hevði annars boðað frá, at dagurin kundi fara at gerast hin heitasti nakrantíð, men so heitt bleiv tað kortini ikki í gjár.
Mesti hitin, nakrantíð skrásettur í Danmark, var í august 1975, tá ið 36,4 stig vórðu mátað í Holstebro í Miðjútlandi.
Er kopiera
Nýggjastu sendingar í ÚV
Nýggjastu sendingar í SV
