Borgarafundur um Suðuroyartunnilin í dag

– Eingin ivi er um, at Suðuroyartunnilin er loysnin fyri Suðuroy, men eisini fyri allar Føroyar, sigur Snæbjørn Bærendsen, ein teirra, ið fyriskipar borgarafundin í dag.

Borgarafundur um Suðuroyartunnilin verður í Skúladeplinum í Hovi í dag. Tað eru nakrar eldsálir við áhuga fyri Suðuroyartunlinum, ið hava tikið stig til borgarafundin, sum verður seinnapartin klokkan eitt.

– Tað er týdningarmikið fyri fyriskipararnar, at tað kemur greitt fram, at fundurin ikki er fyri eitt sjónarmið, men at so mong sjónarmið sum gjørligt verða hoyrd, sigur hann.

Borgarafundurin, sum verður í Skúladeplinum í Hovi, byrjar klokkan eitt, og hann verður eisini sendur beinleiðis á heimasíðuni hjá okkum, kvf.fo, og hann sæst á slóðini her Borgarafundur beinleiðis.