Sýslumaður: Vit eru ovbyrjaðir

Samskiftið millum sýslumannin og grindaformenn er serstakliga sjáldan og svikaligt, uttan tá grindaboð eru givin.

Tað er tí dømt at miseydnast at álegga sýslumonnunum at kunna grindaformenninar.

Harafturat hava bygnaðarbroytingar gjørt, at sýslumenn eru ovbyrjaðir.

Tí gevur tað avgjørt onga meining at áleggja sýslumonnum fleiri uppgávur.  

Seks mánaðir hóska betur

Tað sigur Jens H. Jensen, sýslumaður í Norðoyggjum og Eysturoynni, í hoyringarsvari sínum um ætlaðu broytingarnar í grindakunngerðini.

Hann heldur, at møguleikin hjá sýslumonnum at kunna lýsa bráðfeingis bann fyri grindadrápi í ávísari hvalvág í upp til tríggjar mánaðir er góður.

Men tríggir mánaðir eru ov lítið. Seks mánaðir høvdu verið meira hóskandi, heldur hann. 

Um talið 500 skjórutir springarar um árið sigur hann, at tað er sett við atliti av umdømi landsins uttanlands og ikki við atliti at burðardyggleikanum.

grind, grindaboð, grindadráp, Vestmanna 27.08.2019

Jens H. Jensen, sýslumaður, heldur, at bráðfeingis bann fyri grindadrápi eigur at kunna verða sett í seks mánaðir.

500 í miðal um árið

Annars heldur Jens H. Jensen, at 500 í miðal um árið í fimm ár hevði verið rættari, tað eru í mesta lagi 2.500 springarar í fimm ár. So hevði verið lættari at javna út og umsitið.

Í Føroyum eru seks sýslur og tríggir sýslumenn, 23 góðkendar hvalvágir og tríggjar fyribils góðkendar hvalvágir.