Úrslitið hjá byggifyritøkum versnaði í fjør

Eftirspurningurin er minkaður síðani koronukreppuna, og rávøruprísirnir og lønirnar eru hækkaðar, siga tvær av stóru byggifyritøkunum

Gongd er í byggivinnuni, men tvær av stóru byggifyritøkunum høvdu afturgongd í fjør. (Savnsmynd: Bjarni Árting Rubeksen))

Petur Kristinn Vang

02.08.2022 - 09:16

Hóast gongd er í byggivinnuni, eru úrslitini hjá byggifyritøkum merkt av afturgongd.

Fyritøkurnar, J&K Petersen og Articon, hava báðar verri úrslit í 2021, enn árið fyri.

Úrslitið hjá J&K Petersen í 2021 var 32 mió kr. í halli, samanborið við 4 mió. kr. í vinningi 2020.

Hjá Articon vóru 16 mió. kr. í avlopi. Tað eru umleið 4 mió. kr. minni enn árið fyri.

Hóast tað ofta hoyrist, at byggivirksemið í Føroyum veksur støðugt, vísir Jón Sigurdsson, stjóri í Articon, aftur, at virksemið í byggivinnuni bara hevur verið vaksandi seinnu árini:

0 seconds of 0 secondsVolume 90%

00:00

Jón Sigurdsson

Jón Sigurdsson er stjóri í Articon.

Samstundis sum eftirspurningurin er minkaður síðani koronukreppuna, hava hækkaðu prísirnir á tilfari, rávørum og lønum havt neiliga ávirkan á virksemið í byggivinnuni.

Jón Sigurdsson er kortini bjartskygdari nú um eftirspurningin eftir tænastum í byggivinnuni:

0 seconds of 0 secondsVolume 90%

00:00

Stein Olvur Petersen, J&K Petersen

Stein Olvur Petersen er stjóri í J&K Petersen.

Stjórin í J&K Petersen, Stein Olvur Petersen, sigur í viðmerking til Kringvarpið, at viðurskiftini úti heimi hava ávirkan á byggivinnuna heima í Føroyum, serliga avleiðingarnar av koronukreppuni. ---

- Prísirnir á stáli, olju og øðrum rávørum eru dyrkaðir, og sostatt eru útreiðslurnar vaksandi sum heild, sigur Stein Olvur Petersen.