Verkfallið hjá SAS sæst aftur í ferðafólkatølunum

Verkfallið hjá SAS sæst aftur í ferðafólkatølunum hjá Vága floghavn.

Færri ferðafólk vóru í juli í ár enn í juli í 2019, sum er árið, samanberast kann við.

Ferðafólkini vóru 61.676 í juli í ár og 63.788 í juli 2019, munurin er 3,3 prosent.

Orsøkin er verkfallið hjá SAS, sigur Regin I. Jakobsen, stjóri í Vága floghavn.

Verkfallið var frá 4. til 19.juli.

Til 1.august er ferðafólkatalið komið upp í 94,8 prosent av tí, tað var í 2019.