Játtanin til ókeypis sálarfrøði rakk bara til hálvt ár

Játtanin til royndarverkætlanina ókeypis sálarfrøði var longu uppi, tá árið var komið í helvt.

Tað merkir, at Heilsutrygd bara kundi rinda fyri viðgerðir til og við 30.juni.

Játtanin var 3,65 mió. kr.

Men royndin kostar so nógv, at tann játtanin rakk bara til hálvt ár.

Biður um meiri pening

Nú hevur Heilsumálaráðið biðið løgtingið um 4,6 milliónir afturat. 

Royndarverkætlanin er galdandi í trý ár, til 31.oktober 2023.

Hon er ætlað teimum, sum eru millum 15 og 35 ár og hava angist ella lætt til moderat tunglyndi.