Avlop á játtanini skal ikki brúkast til rakstur

05.08.2022 - 08:19
AktueltPolitikkur
Avlop á játtanini skal ikki brúkast til rakstur
Lækkar oljuprísurin, skal peningurin ikki brúkast til annan rakstur hjá stovnunum, sigur Uni Rasmussen, landsstýrismaður. Eykajáttanarlógin var einmælt samtykt
Uni Rasmussen er landsstýrismaður í fíggjarmálum.
Mynd: Bjarni Árting Rubeksen  
 

Um oljuprísurin lækkar, skal eykajáttanin, sum skipini hjá tí almenna hava fingið at keypa olju fyri, ikki brúkast til annan rakstur hjá stovnunum.

Tað var treytin hjá Fíggjarnevndini, tá hon tók undir við uppskotinum um eykajáttanir, sum kom úr landsstýrinum.

Í álitinum hjá nevndini stendur, at landsstýrismaðurin í fíggjarmálum hevur upplýst fyri nevndini, at um so er, at oljuprísurin lækkar, og øll játtanin harvið ikki verður brúkt, verður hon ikki nýtt til annan rakstur. 

 

Neyðugt at broyta grundarlagið
Um ókeypis sálarfrøði sigur ein samd Fíggjarnevnd, at hon tekur undir við royndarskipanini og ásannar, at við verandi lógargrundarlagi er trupult at gera annað enn at taka undir við uppskotinum hjá landsstýrismanninum í heilsumálum um at hækka játtanina. 

Men nevndin sigur eisini, at við so ógvusligari meirnýtslu, er neyðugt at broyta lógargrundarlagið fyri at tryggja, at játtanin fer at halda næsta ár. 

 

Einmælt samtykt
Uppskotið um eykajattanarlóg, sum var einmælt samtykt í løgtinginum í gjár, hevur eitt hall á 37,9 mió. krónur. 

Nógv tað mesta, 32,6 mió. kr., er til olju.

Millum aðru og triðju viðgerð vildi Páll á Reynatúgvu hava uppskotið aftur í Fíggjarnevndina.

Hesum tók andstøðan undir við, men samgongan feldi uppskotið. 
 

Er kopiera
Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750