160.000 tons av korni á veg úr Ukraina

160.000 tons av korni og øðrum matvørum eru nú á veg úr Ukraina á heimsmarknaðin.

Fýra farmaskip hava verið í ukrainskum havnum við Svartahavið eftir matvørunum.

Ukraina er aftur farið at útflyta korn og aðrar matvørur gjøgnum Svartahavið, eftir at Turkaland og ST fingu eina avtalu í lag millum Russland og Ukraina. 

Tey fyrstu skipini við korni fóru úr Ukraina í síðstu viku.