- Tíðindi, mentan og ítróttur
FBI rannsakar hús hjá Donald Trump
FBI rannsakar hús hjá Donald Trump
Fyrrverandi amerikanski forsetin sigur, at hetta er eitt álop frá vinstravendum demokratum, sum ikki vilja, at hann stillar upp til forsetavalið í 2024
Amerikanska løgmálaráðið viðger tvey mál, sum hava samband við Donald Trump, og hildið verður, at rannsakanin hevur samband við hesi málini.
Mynd: Ritzau Scanpix
09.08.2022 - 11:00
Starvsfólk hjá samveldisløgregluni, FBI, rannsakaðu í gjárkvøldið húsini hjá fyrrverandi amerikanska forsetanum, Donald Trump.
Tað boðar Donald Trump sjálvur frá á sosiala miðlinum, Truth Social, sum fyrrverandi forsetin eigur.
Sambært CNN, viðger amerikanska løgmálaráðið tvey mál, sum hava samband við Donald Trump, veit danska kringvarpið at siga.
Annað málið snýr seg um álopið á kongressina 5. januar í fjør, og hitt málið er um handfaringina hjá Donald Trump av loyniligum skjølum.
Donald Trump var ikki í Florida, tá FBI rannsakaði húsini.
Fyrrverandi amerikanski forsetin sigur, at hetta er eitt álop frá radikalu vinstravendu demokratunum, sum ikki vilja, at hann stillar upp til forsetavalið í 2024.
Anne Alling, journalistur í danska kringvarpinum, sigur soleiðis um rannsakanina:
1542682
Donald Trump, fyrrverandi forseti, er í øðini um, at hús síni í Florida eru rannsakað. (Mynd: Ritzau Scanpix)
Er kopiera
Nýggjastu sendingar í ÚV
Nýggjastu sendingar í SV
