60.000 tons eftir av íslendsku makrelkvotuni

Íslendingar eru farnir at stúra fyri makrelkvotuni, tí so lítið er fiskað í ár.

Ísland sigur seg eiga 16,5 prosent av heildarkvotuni.

Men í ár eru bara fiskað 41,74 prosent av íslendsku kvotuni.

Knappliga 60 prosent, stívliga 86.000 tons, eru eftir.

Tá so lítið er fiskað, kunnu norðmenn við røttum halda uppá, at íslendska makrelkvotan er ov stór, 16,5 prosent eru ov nógv.

Minkaður í íslendskum sjógvi

Heldur ikki í fjør fiskaði Ísland alla makrelkvotuna. Tá blivu 15 prosent flutt til ár, men 10.000 tons duttu burtur. 

Makrelurin er minkaður nógv í íslendskum sjógvi. 

Tí noyðast íslendsku skipini at fiska í altjóða sjógvi, tí eingin makrelsemja er millum strandarlondini.

Nógv er fiskað í Smoguni. Hagar eru 600 fjórðingar at sigla av Eysturlandinum.