- Tíðindi, mentan og ítróttur
Byggifyrireiking á Argjum kostar 79 mió. kr.
Byggifyrireiking á Argjum kostar 79 mió. kr.
Tórshavnar býráð hevur samtykt at taka av lægsta tilboðnum, sum var frá byggifelagnum MT Højgaard
Sethús, raðhús og íbúðir skulu byggjast oman fyri Argjahamar.
Mynd: Tórshavnar kommuna
10.08.2022 - 09:31
Tað fer at kosta Tórshavnar kommunu 79,2 mió. kr. at rudda slóð fyri at byggja sethús, raðhús og íbúðir oman fyri Argjahamar.
129.280 fermetrar eru keyptir til verkætlanina fyri 13 mió. kr., av teimum skulu 37.610 fermetrar brúkast til grundstykki.
Kommunan bað trý byggifelag um tilboð upp á útstykkingararbeiðið.
MT Højgaard Føroyar hevði lægsta tilboð, slakar 44,3 mió. kr.
Hini tilboðini vóru frá Articon, góðar 57,2 milliónir og frá J&K Petersen, næstan 59 milliónir krónur.
Býráðið gjørdi av í gjárkvøldið at taka av tilboðnum hjá MT Højgaard.
Er kopiera
Nýggjastu sendingar í ÚV
Nýggjastu sendingar í SV
