717 bústaðir í Havn standa tómir

Eingin býr í 717 bústøðum í Tórshavnar kommunu.

Talan er um 450 sethús, 232 íbúðir og 35 aðrar bústaðir.

Hetta vísa tøl, sum Tórshavnar kommuna fekk frá Fólkayvirlitinum í november í fjør.

Eitt yvirlit, sum Kommunufelagið gjørdi í 2018, vísir, at 13 prosent av húsunum í Føroyum standa tóm.

Tórshavnar kommuna er ikki við í hesum talinum. Fugloyar kommuna var heldur ikki við.

Yvirlitið umfatar tí 27 kommunur. 

Í teimum 27 kommununum eru 11.345 hús. Av teimum er 1.481, 13,1 prosent, tóm.