Íslendingar hava fiskað helvtina av makrelkvotuni

Umleið helvtin av íslendsku makrelkvotini í ár er nú fiskað, men ivasamt er, um tað fer at eydnast at fiska alla kvotuna. 

Tað skrivar Morgunblaðið á netinum. 

Higartil eru 72.000 tons av makreli fiskað, og 75.000 tons eru eftir av kvotuni. 

Sambært mbl.is er nógvur makrelfiskiskapur í løtuni í íslendskum sjógvi, tí stovnurin hevur flutt seg longri vestur. Víst verður á, at seinastu seks dagarnar eru 6.000 tons fiskað.