Viðførishøllin á flogvøllinum verður útbygd

Articon og Vága floghavn skrivaðu í gjár undir sáttmála um at byggja viðførismóttøkuna í floghavnini út. 

Talan er um bæði lendisarbeiði og byggiarbeiði, upplýsir Vága Floghavn í tíðindaskrivi.

Farið verður undir arbeiðið í næstum.

Høllin, har tikið verður ímóti viðføri, verður útbygd til 620 fermetrar. Hon er 250 fermetrar. Samstundis verður bandið, har tey ferðandi fáa viðførið, longt úr 40 metrum upp í umleið 80 metrar.

Arbeiðið verður væntandi liðugt til háárstíðina næsta ár.