Gongur væl at fáa flóttafólk úr Ukraina at støðast

54 ukrainar búgva í Føroyum eftir serlógini fyri flóttafólk. 58 hava fingið upphaldsloyvi, men fýra eru farin av landinum aftur. 

Tað var tann 24. februar, at fyrstu álopini á Ukraina vóru framd. Síðani eru 10 milliónir fólk flýdd úr heimlandinum, sambært nýggjastu tølunum hjá ST. Harumframt eru fleiri milliónir flýdd til onnur støð í egnum landi. 

Í Føroyum er tað Útlendingastovan, sum viðger mál um uppihaldsloyvi, og síðani er tað Reyði Krossur, sum tekur sær av tí praktiska.

Hoyr Sigrið Zachariasen, dagligan leiðara í Reyða Krossi, í útvarpstíðindunum:

Reyði Krossur hevur stovnað eina tænastu, sum tey kalla Reyða Kross Vinir:

myndareportasja: Flóttafólk til Føroya

Fyrstu flóttafólkini úr Ukraina komu til Føroya stutt eftir russisku innrásina. (Mynd: Bjarni Árting Rubeksen) 

Flóttafólkini búgva fyrst í móttøkuhúsi hjá Reyði Krossi, tá tey koma til landið. Har fáa flóttafólkini hjálp til at útvega sær persónsnummar, bankakontu og annað. Seinni flyta tey í hús ella íbúð, sum Reyði Krossur fær í lag.

Meginreglan er, at uppihaldsloyvið er galdandi til 17.mars 2024, tá serlógin um uppihaldsloyvi fer úr gildi aftur.

Útlendingastovan sigur, at avgreiðslutíðin í málum eftir serlógini hevur verið stutt, tríggjar til fimm dagar í miðal.