Erla Kongsdóttir avloysir Sam

Strandfaraskipið Sam fer á beding mánadagin 5.september, og verður væntandi har til viku 38, sum byrjar 19.september.

Meðan Sam er á beding, siglir Erla Kongsdóttir millum Klaksvík og Kalsoynna.

Siglt verður eftir ferðaætlanini hjá Sam.

Tó er pláss fyri eykaferðum. Tær skulu avgreiðast við manningina á Erlu Kongsdóttur, upplýsa Strandfaraskip landsins. 

Erla Kongsdóttir tekur ikki akfør. Siglingartíðin er 20 minuttir.