Granskingarverkætlan um tara fyri 70 mió. kr.

Føroyska fyritøkan Ocean Rainforest er næstu dagarnar vertur fyri ráðstevnu, sum er byrjanin til stóru granskingarverkætlanina SeaMark. 

25 fyritøkur og granskingarstovnar eru í verkætlanini.

Granskingarverkætlanin, sum millum annað hevur fingið 70 milliónir krónur frá Horizon Europe, hevur sum mál at framleiða 12 nýggjar vørur burtur úr sukurtara til heilivág, kosmetikk, matvøru og fóður. 

Hoyr innslag í útvarpstíðindunum:

Ólavur Gregersen

Ólavur Gregersen er stjóri í Ocean Rainforest.

Umframt Ocean Rainforest er føroyski granskingarstovnurin Sjókovin eisini við í verkætlanini. Sjókovin hevur m.a. ábyrgdina av at fremja tøknibúskaparligar greiningar av mentu framleiðslugongdunum, umframt virðisketu og samfelagsbúskaparligar greiningar.