Landsrætturin viðger mál um manningar og kvotukeyp

Eystari landsrættur fer í morgin at viðgera sakarmálið millum Fiskimálaráðið og Reiðarafelagið um lutin hjá manningunum á fiskiskipum í kvotukeypum.

Reiðarafelagið vann í Føroya rætti hálvan januar í fjør, men Fiskimálaráðið fór í Landsrættin við málinum. 

Dómurin í Føroya rætti sigur, at Fiskimálaráðið gjørdi seg inn á ein galdandi sáttmála millum reiðarar og manningarfeløg við lóg um, at manningar ikki skuldu bera sín part av kvotukeypum á royndaruppboðssøluni í 2016. 

Tað er júst prinsippið, um Føroya rættur kann ógilda lógir, sum løgtingið hevur samtykt, sum er avgerandi, heldur Fiskimálaráðið.