Nú verður dýrari at bróta skilhaldsreglurnar

30.08.2022 - 16:29
Aktuelt112
Nú verður dýrari at bróta skilhaldsreglurnar
Sektin hækkar upp í 1.500 til 3.000 kr.
Ákæruvaldið hevur havt tvey mál í Føroya Rætti við kravi um, at sektin sum heild eigur at verða hækkað, og hesum tók rætturin undir við.
 

Føroya Rættur hevur í tveimum dómum í dag tikið undir við ákæruvaldinum, um at sektin fyri brot á skilhaldsreglurnar skal hækkast.

Sektirnar fara úr 600-800 krónum upp í 1.500 til 3.000 krónur. 

Skilhaldsreglurnar - ordensbekendtgørelsen - vóru settar í gildi í Føroyum 1. januar 2021. 

Tær komu í staðin fyri gomlu politiviðtøkurnar, og áseta m.a., at tað er revsivert at órógva almenna friðin. Vanligastu brotini á skilhaldsreglurnar eru í náttarlívinum, tá nógv full fólk eru savnað.

Tá nýggju reglurnar komu í gildi, var ikki støða tikin til, hvat sektin skuldi vera. Tí hevur sektin fyri brot á gomlu politiviðtøkurnar hildið fram.

 

Sektin er ikki hækkað í hesi øldini, og hon hevur ongan fyribyrgjandi virknað havt, sigur politiið.

 

Ov lin revsing

Metingin hjá Føroya Politi hevur verið, at revsingin hevur verið ov lin. Sektin er ikki hækkað, tað sum er farið av hesi øldini, og hon hevur tí ongan fyribyrgjandi virknað havt. 

Sostatt hevur tað ikki veriđ ein revsing, sum kann merkjast.

Ákæruvaldið hevur tí havt tvey mál í Føroya Rætti við kravi um, at sektin sum heild eigur at verða hækkað. 

Við hesum leggur ákæruvaldið upp til, at sektin verður hækkað upp í 1.500 til 3.000 krónur, og hesum tók Føroya Rættur undir við.

Er kopiera
Nýggjastu sendingar í ÚV
Mánadag 3. oktober
Norðurljóð 3.oktober 2022
144647
Mánadag 3. oktober
Møti: Mannstevna á Zarepta 2022
145703
Mánadag 3. oktober
Koparskrínið 1.partur
145695
Nýggjastu sendingar í SV
Sunnudag 2. oktober
Úr savninum: Staksmentan í besta blóma
145663
Sunnudag 2. oktober
Andakt við Høgna Johannesen
145656
Sunnudag 2. oktober
Guðstænasta í Kvívíkar kirkju
145660
Leygardag 1. oktober
Innsavningartiltak hjá Bláa Krossi
145640
Mikudag 28. september
Úr savninum: Soleiðis liva tey enn 1:2
145662