- Tíðindi, mentan og ítróttur
Gorbatjov endaði kalda kríggið millum eystur og vestur
Gorbatjov endaði kalda kríggið millum eystur og vestur
Í vesturheiminum verður Mikael Gorbatjov fyrst og fremst mintur sum ein stórur ríkisleiðari
Einki kom burtur úr toppfundinum i Reykjavík í 1986, men í 1981 hittust Gorbatjov og Reagan Washington, og tá skrivaðu teir undir eina kjarnorkuavdubbingaravtalu.
Mynd: Ritzau Scanpix
31.08.2022 - 13:43
Seinasti leiðarin í Sovjetsamveldinum, Mikhail Gorbatjov, er deyður eftir longri sjúkralegu. Hann gjørdist 91 ára gamal.
Gorbatjov var við til at leggja kommunistiska stórveldið í grøvina og enda kalda kríggið millum eystur og vestur.
Í vesturheiminum verður Mikael Gorbatjov fyrst og fremst mintur sum ein stórur statsleiðari.
- Gorbatjov var ein einastandandi statsmaður, sum broytti søguna. Hann gjørdi meira enn nakar annar fyri at fáa ein friðarligan enda á kalda krígnum, sigur Antonio Guterres, ST-aðalskrivari.
Jógvan Jespersen var sjónvarpsmaður og Carsten M. Arnskov var teknikari, tá Sjónvarp Føroya var í Reykjavík og sendi frá fyrsta toppfundinum millum Gorbatjov og táverandi amerikanska forsetan, Ronald Reagan.
Jógvan Jespersen og Jóannes Eidesgaard, fyrrverandi løgmaður, vóru í útvarpsstovuni og gjørdu viðmerkingar, nú Gorbatjov er deyður:
31082022_Jespersen_og_Eidesgaard_um_Gorbatjov
Jógvan Jespersen og Jóannes Eidesgaard.
Sí brot úr sending, sum Jógvan Jespersen og Carsten M. Arnskov gjørdu frá toppfundinum í Reykjavík í oktober 1986:
TOPPFUNDUR_REYKJAVIK
Er kopiera
Nýggjastu sendingar í ÚV
Nýggjastu sendingar í SV
