Hópdrápsmenn ganga leysir í Kanada

10 fólk í Kanada eru stungin til deyðis, og 15 onnur eru særd, nú tveir hópdrápsmenn ganga leysir í reservatinum James Smith Cree Nation. 

Damien Sanderson og Myles Sanderson, ið eru ávikavist 30 og 31 ára gamlir, eru undir illgruna fyri at hava dripið fólkini. 

Kanada, Hópdráp

Fólkini búðu í reservatinum, James Smith Cree Nation, sum hýsir 3.400 fólkum og lítla býnum, Weldon, har 200 fólk búgva.

Motivið ógreitt

Løgreglan fekk boð um ófrið tíðliga í gjáramorgunin, og skjótt var greitt, at talan var um eina ógvusliga atsókn, upplýsir løgreglan.

Kanada, Hópdráp

Hví fólkini vórðu stungin, er ikki greitt, men løgreglan upplýsir, at ætlanin var at gera av við nøkur av fókunum, meðan hini vóru í vegin og tí vóru álopin.

Løgreglan jagstrar teir báðar menninar, sum eru undir illgruna, og teir vóru seinast sæddir í gjárkvøldið, einar 300 kilometrar frá plássinum, har álopið hendi.

Kanada, Hópdráp