Sigga Jacobsen deildarleiðari á Vernd

Sigga Jacobsen, er sett í starv sum deildarleiðari á Vernd á Umhvørvisstovuni. 

Tað boðar Umhvørvisstovan frá.

Sigga Jacobsen hevur verið í starvi á Umhvørvisstovuni síðani 2018, har hon hevur verið samskipari fyri norðurlendska bólkin um lívmargfeldi. 

Uppgávan hjá Siggu Jacobsen verður millum annað at tryggja arbeiðið við náttúru- og umhvørvismálum. Hetta verður gjørt við støði í umhvørvisverndarlógini, havumhvørvisverndarlógini, parti av elveitingarlógini og viðkomandi kunngerðum.