Kærustovnurin: Sóttarhald er lógligt forfall

Sóttarhald er lógligt forfall.

Tað sigur Kærustovnurnin, sum hevur sent Almannaverkinum eina avgerð aftur og biðið tað um at broyta hana.

Málið byrjar við, at Almannaverkið sýtti umsókn um dagpening vísandi til, at kærarin leyk ikki treytina um at hava verið í løntum arbeiði í minst 120 tímar tilsamans seinastu 13 vikurnar fyri sjúkrafráveruna.

Tann, sum átti umsóknina, kærdi til Kærustovnin.

Kærarin var ofta í sóttarhaldi í oktober, november og desember 2021, og tí nógv burtur frá arbeiði.

Kærarin fylgdi tilmælinum 

Av tí at heilsumyndugleikarnir mæltu til sóttarhald, og kærarin fylgdi tí tilmælinum, metir Kærustovnurin, at sóttarhald er at meta sum lógligt forfall.

Tí eiga seinastu fimm arbeiðsvikur kærarans at brúkast sum grundarlag heldur enn seinastu 13 vikurnar fyri sjúkrafráveruna.

Kærustovnurin avgjørdi at heimvísa málið til nýggja viðgerð hjá Almannaverkinum. 

Sóttarhald verður mett at vera lógligt forfall, tá søkt verður um dagpening.