Evropeiski miðbankin hækkar rentuna í dag

Bíðað verður í spenningi eftir, hvussu nógv evropeiski miðbankin fer at hækka rentuna á fundinum í dag.

Miðbankin hevur sum mál at halda inflatiónini á tí stigi, sum prísirnir hækka, vanliga tvey prosentstig um árið.

Men seinastu mánaðirnar hevur inflatiónin verið ógvuslig í Evropa, meir enn níggju prosentstig í august.

Tí eru serfrøðingar ikki í iva um, at miðbankin fer at hækka rentuna í dag, fyri at royna at tálma inflatiónina.

Spurningurin er bara, hvussu nógv rentan hækkar, men tað verða 0,5 ella 0,75 prosentstig.

Og síðani fara bankar og fíggjarstovnar at laga sína rentu eftir tí.

Hækkar miðbankin rentuna 0,75 prosentstig, verður talan um størstu hækkingina, síðani tey flestu londini í ES fóru undir at nýta evruna sum gjaldoyra.