Stjórnarsamráðingar eru byrjaðar í Svøríki

12.09.2022 - 15:19
AktueltÚtheimurin
Stjórnarsamráðingar eru byrjaðar í Svøríki
Formenninir í Moderata flokkinum og í Svørkisdemokratunum fóru í dag undir stjórnarsamtalur, skrivar Aftonbladet
Ulf Kristersson, formaður í Moderata flokkinum, og Jimmie Åkesson, formaður í Svøríkisdemokratunum, eru byrjaðir samráðingarnar um eina nýgga borgarliga stjórn
Mynd: Ritzau / Scanpix  
 

Longu í nátt avtalaðu formenninir í Moderata flokkinum og Svøríkisdemokratunum at fara undir stjórnarsamtalur. 

Tá Jimmie Åkesson, formaður í Svøríkisdemokratunum, var á veg inn á skrivstovuna hjá Moderata flokkinum um middagsleitið í dag, vildi hann ikki tosa við fjølmiðlar um, hvat fór at henda.

Men Aftonbladet skilir, at samskiftið millum politisku leiðsluna í flokkunum báðum byrjaði longu í nátt.

 

Í veruleikanum stjórnarsamráðingar

"Innanhýsis verður hetta lýst sum fyrireikandi samtalur, men í veruleikanum er talan um stjórnarsamráðingar, sum eru byrjaðar," sigur kelda, sum hevur tætt tilknýti til leiðsluna í Moderata flokkinum.

Sambært kelduni kjakast partarnir um vanligu fortreytirnar fyri at skipa stjórn, men eisini um, hvør skal vera formaður í Ríkisdegnum.

Væntandi fer formaðurin í Libirala flokkinum, Johan Pehrson, ein av næstu døgunum at tosa við formannin fyri Moderata flokkin, Ulf Kristersson.

 

Stuðla einari borgarligari stjórn

Liberali flokkurin hevur sagt, at hann stuðlar borgarligari stjórn, men vil ikki samstarva við Svøríkisdemokratarnar.

Hildið verður, at ikki er neyðugt hjá forkvinnuni fyri Kristnudemokratarnar, Ebbu Busch, at tosa við Kristersson nú, tí gott stev er millum hesar báðar flokkar.

Moderati flokkurin hevur ikki viljað gjørt viðmerkingar til fundarvirksemið í dag. 

Floksformenninir fara neyvan heldur at gera viðmerkingar, fyrr enn valúrslitið er greitt mikudagin.

Er kopiera
Nýggjastu sendingar í ÚV
Mánadag 26. februar
Morgunlestur mánadagur 26. februar 2024
171193
Sunnudag 25. februar
Bolero - 25 feb 2024
171197
Sunnudag 25. februar
Guðstænasta úr Leirvíkar kirkju
171192
Sunnudag 25. februar
Upp á tá - 230224
171190
Nýggjastu sendingar í SV
Sunnudag 25. februar
Andakt við Beintu Áargarð
171199
Sunnudag 25. februar
Guðstænasta úr Leirvíkar kirkju
171191
Fríggjadag 23. februar
Veðrið
171154
Hósdag 22. februar
Heim, kæra heim (3:3)
171039
Mikudag 21. februar
Salka Valka kring knøttin (5:6)
50680