Bergholsgrót fer í bátahylin í Árnafirði

Grót úr bergholunum norður um Fjall verður nú brúkt í Árnafirði.

Arbeiðið at gera bátahylin í Árnafirði er byrjað.

Partur av verandi grótgarði er tikin niður, og gongd er sett á arbeiðið at leingja og víðka verandi grótgarð. 

Articon, sum ger bergholini norður um Fjall, ger bátahylin fyri Klaksvíkar kommunu. 

Arbeiðið er mett at kosta 11,5 mió. kr. Tað skal vera liðugt um ársskiftið. 

At útbyggja bátahylin í Árnafirði er eitt gamalt mál.

Útbyggingin byrjaði í 70unum, men bleiv ikki gjørd liðug tá.