Ákærdur fyri at bróta lógina um djóravælferð

Ákærdur fyri at bróta lógina um djóravælferð
Maðurin misrøkti neytini so illa, at nógv teirra máttu avlívast eftir boðum frá Heilsufrøðiligu starvsstovuni
Ákæruvaldið krevur, at maðurin ikki sleppur at eiga ella at fáast við djór yvirhøvur í framtíðini. (Savnsmynd)
 
14.09.2022 - 08:55

Ein maður og eitt smápartafelag hjá manninum eru ákærd fyri at bróta níggju greinar í lógini um djóravælferð.

Sambært ákæruritinum kom málið undan kavi fyrst í apríl i fjør.

Tá hevði maðurin í langa tíð misrøkt neyt síni so illa, at nógv teirra máttu avlívast eftir boðum frá Heilsufrøðiligu starvsstovuni, stendur í ákæruritinum.

Neytini fingu ikki nóg mikið at eta og drekka, og boð vóru ikki send eftir djóralækna, tá tey vóru sjúk. Og fjósið var ikki egnað til neytahald. Heldur ikki var útgerðin í tí egnað.

 

 

Krevur fongsulsrevsing

Maðurin megnaði ikki sjálvur at hava neytini, men hann bað ikki egnað fólk um hjálp, sigur ákæruvaldið.

Ákæruvaldið krevur fongsulsrevsing til mannin og sekt til smápartafelagið.  

Kravið er eisini, at maðurin ikki sleppur at eiga ella at fáast við djór yvirhøvur í framtíðini.

Ákæruritið var sent Føroya rætti fyrst í juli. Men tað er ikki komið á rættarlistan enn.
 

Er kopiera
Nýggjastu sendingar í ÚV
Hósdag 25. apríl
Morgunlestur hósdagur 25. apríl 2024
173997
Mikudag 24. apríl
Skratsj 24. apríl 2024
174183
Mikudag 24. apríl
RagnarRokk: Dr.Dead um Hey Living People
174175
Mikudag 24. apríl
Góðan morgun Føroyar
174167
Mikudag 24. apríl
Morgunlestur mikudagur 24. apríl 2024
173996
Nýggjastu sendingar í SV
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012
Sunnudag 21. apríl
Guðstænasta úr Hoyvíkar kirkju
174010