- Tíðindi, mentan og ítróttur
Fara nú at nærlesa dómin hjá landsrættinum
Fara nú at nærlesa dómin hjá landsrættinum
Reiðarafelagið vann í Føroya rætti, men í landsrættinum vann Fiskimálaráðið málið um manningar og kvotukeyp
Stefan í Skorini er stjóri í Reiðarafelagnum.
15.09.2022 - 11:06
Reiðarafelagið fer nú at nærlesa dómin hjá Eystara landsrætti fyri at vita, um søkjast skal um loyvi at sleppa at royna málið í Hægstarætti.
Tað sigur stjórin í Reiðarafelagnum, Stefan í Skorini, við Útvarpið.
Í Føroya rætti vann Reiðarafelagið. Men í Eystara landsrætti vann Fiskimálaráðið.
Manningar skulu ikki gjalda
Dómurin í Føroya rætti segði, at Fiskimálaráðið gjørdi seg inn á ein galdandi sáttmála millum reiðarar og manningarfeløg við lóg um, at manningar ikki skuldu bera sín part av kvotukeypum á royndaruppboðssøluni í 2016, skrivar Dimmalætting.
Fiskimálaráðið kravdi frídøming. Eystari landsrættur gav Fiskimálaráðnum viðhald.
Reiðarafelagið er dømt at gjalda Fiskimálaráðnum 750.000 kr. í sakarkostnaði.
Er kopiera
Nýggjastu sendingar í ÚV
Nýggjastu sendingar í SV
