Nú verður farið at byggja Húsarhaldsskúlan

Í gjár skrivaðu Kjartan Hansen, stjóri í byggifelagnum Kanjon, og Jóhanna á Tjaldrafløtti, stjóri í Húsarhaldsskúlanum, undir arbeiðstakarasáttmála um nýggja skúlan.

Nýggi skúlin verður bygdur í miðbýnum í Klaksvík, har sum gamla kappróðrarneystið er í dag. 

Húsarhaldsskúlan skal ikki kosta meira enn 57 mió. kr.  Klaksvíkar kommuna letur 21 mió. kr. til byggingina.

Húsarhaldsskúlin, nýggi húsarhaldsskúlin

Soleiðis fer nýggi Húarhaldsskúlin at síggja út.

36 næmingar

Pláss verður fyri 36 næmingum, sum fara at búgva í skúlanum. 

Nú eru 21 næmingar í skúlanum.

Klaksvíkar húsmøðrafelag stovnaði Húsarhaldsskúlan í 1974. Hann gjørdist sjálvsognarstovnur í 1993.