Rindaðu 900 milliónir í lønum í august

Bæði kvinnur og menn fáa størri lønargjaldingar.

Men menninir fáa framvegis 60 prosent av goldnu lønunum.

Í august áttu menninir 542 milliónir av lønargjaldingunum. Tað eru 50 milliónir meira enn í august í fjør. 

Kvinnurnar áttu 354 milliónir, sum eru 15 milliónir meira enn í august í fjør.

Lønirnar vóru 900 milliónir krónur í august, átta prosent meira enn í august í fjør.

Lønargjaldingarnar hava ikki enn somu ferð sum fyri koronu, skrivar Hagstovan.

Stígur í vøksturin

Tá korona kom í 2020, kom stígur í vøksturin í lønargjaldingunum hjá monnunum. 

Hjá kvinnunum minkaði vøksturin, men hann steðgaði ikki sum hjá monnunum. 

Nú er ferð aftur komin á vøksturin bæði hjá monnum og kvinnum.

Lønargjaldingar eru A-skattskyldugar lønir, sum fyritøkur í Føroyum gjalda. 

Aðrar samsýningar og útgjøld, so sum veitingar og eftirlønir, eru ikki roknaðar uppí, skrivar Hagstovan. 

<