Joe Biden: Vit hava bast koronu

Amerikanski forsetin Joe Biden sigur í samrøðu, at koronufarsóttin er av í USA.

Nærum eingi smittuverjutiltøk eru eftir í landinum, og fólk ferðast aftur á sama stigi, sum tey gjørdu fyri farsóttina.

- Farsóttin er av. Vit hava framvegis trupulleikar av covid og gera framvegis nógv í sambandi við tað, men farsóttin er av, staðfestir Biden í samrøðu við CBS, skrivar NTB.

Umsitingin vil hava meira pening

Viðmerkingin hjá forsetanum kemur bara fáar eftir, at umisitingin hjá honum heitti á Kongressina um at játta fleiri milliardir dollarar aftrat til kanningararbeiði og koppsetingar fyri at fyribyrgja møguligari smittubylgju í heyst og í vetur.

Í miðal doyggja framvegis 390 fólk av koronu í USA um dagin.

Myndugleikarnir góðkendu fyri stuttum tvey dagførd koppingarevni, sum eru lagað til omikron-frábrigdið, skrivar NTB.