Ríkisákærin: Trump og børnini hava framt svik

21.09.2022 - 17:57
AktueltÚtheimurin
Ríkisákærin: Trump og børnini hava framt svik
Ríkisákærin í New York hevur, sambært CNN, stevnt fyrrverandi forsetanum, Donald Trump, trimum børnum hjá honum og Trump-samtakinum
Letitia James, ríkisákæri, hevur stevnt Donald Trump og børnunum Eric og Ivanku, tí tey hava framt svik
Mynd: Ritzau / Scanpix  
 

Í meira enn 200 síður longu stevningini sigur Letitia James, ríkisákærin, at Trump og børn hansara hava framt svik.

Sambært The Guardian, stendur í stevningini, at Donald Trump við hjálp frá børnunum Donald Trump yngra, Ivanku og Eric og frá tveimum í ovastu leiðsluni í samtakinum, í meira enn 10 ár av órættum at hava blást upp netto-ognina hjá fyrrverandi forsetanum við milliardum av dollarum fyri at fáa bankar at læna sær pening.

 

Lumpað skattamyndugleikarnar

Trump og børnini skulu hava lumpað skattamyndugleikar, tryggingarfeløg og lánsveitarar við at brúka misvísandi virðir fyri ognirnar hjá Trump.

Sambært CNN, setti ríkisadvokaturin í 2019 í verk kanning, eftir at ein fyrrverandi advokatur hjá Trump, Michael Cohen, vitnaði í Kongressini, har hann segði, at Trump hevði blást upp virðið á fleiri bygningum fyri at fáa lán og trygging.

Sambært ríkisákæranum, eru "greið prógv" fyri skuldsetingunum. 

 

Gav ikki frágreiðing

Í apríl vóru kanningarnar hjá ákærumyndugleikanum nærum lidnar, tó var neyðugt at fáa frágreiðing frá Trump, áðrenn avgerð var tikin um málið. 

Trump nýtti sín rætt til ikki at geva frágreiðing sambært sonevnda "Fifth Amendment" í amerikonsku grundlógini. 

Sama gjørdi sonurin Eric Trump, sum er vinnulívmaður.

 

Hava tosað við ákæruvaldið

CNN veit frá keldum, at Ivanka Trump og Donald Trump yngri hava tosað við ákæruvaldið.

Talan er ikki um revsirættarliga stevning, so at revsiákæra verður reist móti familjuni, skrivar New York Times.

Men Letitia James, ríkisákæri, vil forða teimum stevndu í at reka vinnuvirksemi í New York aftur.

Er kopiera
Nýggjastu sendingar í ÚV
Sunnudag 2. oktober
Gudstænasta í Kvívíkar kirkju
145643
Sunnudag 2. oktober
Bolero: Mozart
145641
Sunnudag 2. oktober
Mono - Dávidssálmar (4:5)
145638
Sunnudag 2. oktober
Møti: Frá mansstevnu í Zarepta
145334
Leygardag 1. oktober
Brunsj við Pól Sundskarð
145636
Nýggjastu sendingar í SV
Leygardag 1. oktober
Innsavningartiltak hjá Bláa Krossi
145640
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026