ES umhugsar fleiri tiltøk móti Russlandi

Uttanríkisráðharrarnir í ES umhugsa at seta nýggj tiltøk í verk móti Russlandi. 

Tað sigur uttanríkisleiðarin í ES, Josep Borell, eftir skundfund í nátt. 

- Vit fara at finna og samtykkja nýggj avmarkað tiltøk, segði Borell eftir fundin. 

- Men endaliga avgerðin um tiltøk skal samtykkjast formliga, segði hann.

Danski uttanríkisráðharrin, Jeppe Kofod sigur við Ritzau, at nýggj tiltøk mugu setast í gildi skjótast til ber.

Mótmæli í Russlandi - Mynd: Ritzau Scanpix

Biðja russar mótmæla

Fleiri felagskapir, sum virka uttanfyri Russland, heita nú á fólk í Russlandi, um at mótmæla ætlanini hjá Vladimir Putin, forseta, um at senda fleiri hermenn til Ukraina.

Higartil hava nógv mótmæli verið ímóti krígnum, og mett verður, at yvir 12.000 fólk eru tikin.

Vladimir Putin, forseti, hevur boðað frá, at umrøtt verður at senda boð eftir 300.000 russiskum hermonnum, sum lutvíst skulu sendast til Ukraina, men eisini tryggja støðuna í Russlandi.

Semja er um, at avgerðin hjá Putin fer at gera støðuna spentari, og gera kríggið í Ukraina ógvusligari.

Litava, sum er granni hjá Ruslandi, gav herinum alt fyri eitt boð um at vera tilbúgvin, tí landið kennir seg hótt.